Já prófin búin, aftur. Kláruðum Turbulence flow í dag, þ.e. ég og Haukur. Held að Haukur hafi sett

nýtt met í að vera sem styðst inni í prófi. Prófið byrjaði half 9 og klukkan 10 var hann lagður af

stað niður í bæ að kaupa klifurgræjur. Það vildi nefnilega svo hepppilega til að meiri hluti prófsins,

sem var krossapróf, var nákvæmlega eins og prófið sem var í fyrra. Úff já, þá er þetta búið

þessi prófatörn hefur annars tekið töluvert á. Ég ætti annars að vera löngu farinn að sofa. Var að

koma heim úr litlu Íslendingateiti. Lítið þýðir að við vorum 7.  Annars er flug á morgun heim

klukkan 16:15. Ætli ég þurfi ekki að leggja af stað þá um 12 og ég á eftir að henda einverju dóti

í töskur. Best að koma sér í rúmmið. 

Jæja, prófavikan bara búin.  Ein vika í próf og þetta var bara eins og að láta rífa af sér plástur.

Hann var reyndar svolítið stór í þetta skiptið. Því eins og ég hef sagt þá vorum við kannski ekki

alveg nógu og duglegir í upphafi vetrar. Þurftum að klára nokkur verkefni svona í lokin ásamt því

að við komumst að því í síðustu viku að við höfðum alltaf verið að skoða ranga heimasíðu fyrir

annan kúrsinn. Okkur fannst ótrúlega lítið að gera, voru aldrei sett nein dæmi eða neitt. Það

kom svo í ljós þegar okkur var bent á réttu heimasíðuna að það var mikill misskilningur :)

Ég kúkaði annars uppá bak á fyrra prófinu en það seinna, sem var í dag gekk ágætlega.

Í kvöld bauð Palli okkur í mat, tortillas með hakki og svo fórum við til Hauks og fengum okkur bjór

og horfðum á Robocop 1   og svo á Pathfinder . Robocop olli ekki vonbrigðum enda með endæmum

góð mynd sem eldist vel.  Við horfðum svo á Pathfinder meira til að heyra ameríakanan reyna að

segja einhver orð á íslensku. 

Ég átti annars afmæli á mánudaginn. Hélt uppá daginn með því að taka vel á lærdómnum,

kíkja í ræktina  og borða kvöldmat á Mossens sem er pítsa staður hér fyrir utan.

Rakst á þetta video með Bobby McFerrin

Búinn að læra töluvert í vikunni enda bara rúm vika í próf. Mér finnst ég ekkert vita hvað kemur á

þessum prófum. Í öðrum kúrsinum erum við búin að gera 3 matlab verkefni og það hafa ekki verið

nein dæmi. Kennarinn ætlar að setja eitthvað sýnipróf á netið sem á að skýra þetta eitthvað.

Finnu vinur hans Jóa kíkti í heimsókn og fór hann með okkur í gærkvöldi.

Fórum í partý til Tobba. Ætluðum reyndar bara að fá okkur 1-2 bjóra en þetta var fínt 

partý og þeir urðu aðeins fleirri. Kynntumst nokkrum Svíjavinum hans Tobba, þeir voru annars

nokkuð hressir og kíkti hluti af þeim með okkur niður í bæ. Páll, Jói og Finnur fóru reyndar beint 

heim úr bænum en ég, Haukur og nokkrir Svíjar stöldruðum aðeins við.  Ég er því ekkert búinn að

læra í dag, var aðeins þreyttur í hausnum í morgun.  

Það hefur annars kólnað aðeins og fer niður fyrir frostmark á næturnar. Svíjarnir eru líka allir í

sparnaðinum og hita ekkert húsin okkar. Ofnarnir hitna aðeins hjá mér en hjá Jóa og Palla hitna þeir

ekki neitt. Ég og Jói erum því bara með kerti til að hita herbergin okkar. 

Svíjarnir eru mjög umhverfisvænir og strákarnir sögðu okkur í gær að vatnið sem við drekkum úr  

krananum væri að hluta til endurrunnið úr klósettinu og hluta til úr sjónum og ætli einhver hluti sé

ekki ferskt vatn. Ég sem var svo ánægður með bragðið af vatninu hér (einsog heima) svo kemur

í ljós að þetta er sjávarkúkavatn sem bragðast svona vel. 

Ég ætla að skella hérna einu partý lagi sem Dj Haukur skellir á fóninn þegar við erum orðnir þreyttir

á lærdómnum og þurfum að koma okkur í lærdómsgírinn. 

Jói er ekki sammála okkur, setur frekar á sig headphona og hlustar á Radiohead.

Ég flutti á mánudaginn mest af dótinu mínu en hef ekki haft tíma til að blogga þar sem við þurftum

að skila verkefni í gær sem var aðeins stærra en við bjuggumst við. Vorum að til 12 í gær, eða

þangað til skilafresturinn rann út.

En að íbúðinni, ég setti inn nokkrar myndir af henni eins og hún var þegar ég kom fyrst inn í hana.

Núna er hinsvegar allt í rugli og ég hef verið að þrífa fataskápinn þar sem það var komin svona

gömul spítulykt í hann. Held ég hafi jafnvel notað örlítið of mikið af air freshener í skápinn.

Ég er allavegana með alla (2) glugga opna eins og er og reyni að anda með höfuðið út um gluggann.

 Íbúðin er annars í ágætis standi en ísskápurinn mætti samt vera stærri

Við þurfum annars að fara að velja okkur braut, réttara sagt þurfum við að gera það í þessari viku.

Það er spurningin hvort maður á að fara í solid eða fluid ?

Ég er eiginlega meira á að fara í fluid þó ég sé ekki alveg búinn að ákveða mig. 

Við höfum annars töluvert verið að læra undanfarið og ekki verið mikill metnaður í blogginu,  s.b.r

Núna er akkurat tæplega vika í að ég komist í höllina mína og Jói er farinn að telja niður.

Haukur bíður líka spenntur eftir að Páll fái íbúðina sína, því þá þarf hann bara að elda ofan í einn en

ekki þrjá og þrífa og vaska upp eftir einn en ekki tvo.

Haukur ætlar annars að taka stökk á forsæluna og fara til Stokkhólms um helgina og Páll er búinn að

plana partý í íbúðinni og mér skilst að við þurfum ekki að hafa áhyggjur af tiltektinni, Haukur komi

óþreyttur á sunnudagskvöld.

Ég var annars að benda strákunum á besta lag, að mér finnst, sem Queen hefur gert og þeir

svöruðu með "hmm" sem þýðir að þeir eru hjartanlega sammála mér. 

Við erum annars búnir að mæta í alla fyrirlestrana það sem af er vetrar og þeir eru alveg ágætir, 

man allavegana ekki hvenær ég mætti svona vel í fyrirlestra síðast. Það er langt síðan. 

Hér er annars lagið með Queen: