Í dag var Charm dagur sem þýðir  að skólinn er stútfullur af fyrirtækjum sem eru að kynna sig
og leita að starfsfólki ásamt því að nemendur geta reynt að finna mastersverkefni.
Ég og Haukur kíktum þangað og hlupum í gegn, fínn staður til að fá penna og ókeypis nammi.

Horfði annars um daginn á mynd sem ég mæli með fyrir þá sem vilja vita hvernig á ekki að
byggja upp land eftir innrás, hún heitir No End in Sight. Hún  er einmitt í 10. sæti yfir
bestu heimildamyndirnar skv. imdb. Myndin minnti mig(mmm) svolítið á fína heimasíðu sem alltaf er
gott að kíkja á, uncyclopedia.org, þegar maður þarf að vita hvernig hlutirnir eru ekki.

 Ég var annars að ljúka við ljúffenga sveppasúpu. Hún verður alveg ágæt þegar maður hefur
bætt nokkrum auka sveppum við þennan hálfa sem er í pakkanum. Þarf annars að fara að
fá fleirri hugmyndir að mat er að verða kominn nokkuð marga hringi með "réttina" sem ég kann.

 Spurning að halda áfram að lesa í turbulence í kvöld.

Ég býst við að margir sem lesa þetta kannist við að fólk skilji ekki um hvað námið þeirra snýst, ég hugsa að þessir nemar í Listaháskólanum eigi líka við þetta "vandamál" að stríða.

 Ég var annars eitthvað orðinn þreyttur á Firefoxinum mínum um daginn og fann nokkur
"trix" til að auka hraðann á honum aðeins.

Byrja á að skrifa "about:config" í address barinn.
Leita að þessum línum
network.http.pipelining
network.http.proxy.pipelining
network.http.pipelining.maxrequests

Setja fyrri tvær á "true" (tvísmella á línuna)
og síðustu á 8.
Þegar það er komið að hægrismella einhvernsstaða og velja "New > Integer"
og skrifa nglayout.initialpaint.delay
og setja gildið á 0.

Svo á líka að vera hægt að setja
network.http.max-connections  á 32
network.http.max-connections-per-server   á svona 6  sýnist 10+ ekki vera vinsælt hjá servereigendum
network.http.request.max-start-delay á 0

Þetta ætti að virka fínt hjá þeim sem eru með hraðar tengingar.